CONCURSO MORFOLÓXICO PUNTUABLE PARA A COPA GALICIA, O 25 DE ABRIL EN NOIA

A Asociación Pura Raza Cabalo Galego realizará o primeiro concurso puntuable para a Copa Galicia na Feira de San Marcos de Noia a partir das 10.00 da mañá. Agardamos que non haxa "mangoneo" nos premios e que só participen cabalos PRG, dúas cuestións que afectan gravemente a esta asociación organizadora e que teñen apartados desta competición a moitos criadores.

PARA OS QUE QUEIRAN LEVAR UNHA CAMISOLA DE PURA RAZA GALEGA

Atopamos na rede estas tres sitios web con camisolas que, aínda non todas teñen a imaxe dun cabalo PRG, si que poden axudar a quen goza con esta raza levándoa como distintivo na súa vestimenta. Tedes tamén a das rapas das bestas e outras razas autóctonas para os vosos pequenos e pequenas: cachena, can de palleiro, porco celta... Agardamos que sexan do voso agrado.

http://www.latostadora.com/gabandello/galego_pura_raza/478244
http://www.nikisgalicia.com/
http://www.reizentolo.es/es/camisetas-hombre.html

 

UN ESTUDO REVELA QUE O NOSO CABALO É O NÚMERO 1 DA PENÍNSULA E O 19 DE TODO O MUNDO EN XENÉTICA ANDADORA

De novo, atopamos o PRG nun artigo de investigación, agora sobre as razas mundiais e a andadura. O sorprendente é ver como, das 141 razas de cabalos que analizan, o cabalo de pura raza galega está situado entre as 52 que desenvolven unha andadura de forma natural e xenética. E os máis sorprendente que estes investigadores atoparon foi que amosa unha frecuencia do alelo A dun 50% no que tan só é superado por outras 18 razas en todo o mundo.

Se o comparamos coas outras razas ibéricas, é a mellor con diferenza. Das 8 analizadas, só 3 posúen ese don. As outras dúas son o asturcón cunha frecuencia de alelo A dun 0.0 e o cabalo de pura raza española cun 1,1 e, tanto un coma o outro, con dubidosa probabilidade de encamiñar algunha andamento especial cómodo para o xinete.

Podedes consultalo aquí: http://onlinelibrary.wiley.com/doi/10.1111/age.12120/pdf. Está escrito en inglés pero, para os que non leades esa lingua, podedes consultar igual a táboa 1 porque penso que non teredes moito problema para interpretala.

A Asociación de Criadores de Cabalos de Pura Raza Galega (Puraga) foi a responsable de lles enviar todo o material necesario para este formidable traballo. Parabéns!!!

Aquí temos un bo exemplo do que certifica este estudo:

O CABALO GALEGO VOLVE APARECER NOUTRO ANUNCIO, AGORA DE REXONA

Podedes ver o anuncio nesta ligazón http://vimeo.com/85734052. Atoparédelos pastando no monte sobre o segundo 26.

O PRG NUN NOVO ESTUDO DE INVESTIGACIÓN

No verán do 2013 defendía a súa tese Diego Conde Gómez co título VETERINARIA E MELLORA PECUARIA NA GALICIA CONTEMPORÁNEA. O PAPEL DE JUAN ROF CODINA. Nela, podemos atopar o cabalo galego entre as páxinas 437 e 442. Aquí: http://dspace.usc.es/handle/10347/9562 poderedes consultala en formato pdf.

NOVO PASO ADIANTE PARA O PRG EN RÉXIME EXTENSIVO

Un estudo no que participaron investigadores do Consello Superior de Investigacións Científicas (CSIC) aboga por manter o réxime de manexo tradicional do cabalo galego de monte.

Máis info AQUÍ ou AQUÍ. E AQUÍ o artigo completo para os que leades inglés.

NOVA REFERENCIA PARA O PRG

A Guia das Raças de Cavalos de Maurizio Bongianni recolle, entre outras 150 razas e unha valiosa información moi aproveitable para os afeccionados ao mundo do cabalo, a raza galaico-asturiana (xunta o PRG e o Asturcón) e a garrana.

A-ÁLVAREZ INCLÚE O PRG NO NÚMERO 155 DO SEU BOLETÍN DE EQUITACIÓN

A empreza de produtos e complementos de deporte e ocio, entre eles, de equitación. A-Álvarez inclúe neste mes de febreiro o PRG no seu boletín mensual de equitación que corresponde á ficha núm. 309. Podedes consultalo AQUÍ.

DO 13 AO 15 DE MARZO, GANDAGRO

Este ano chega á súa terceira edición e incluirá, como xa vén sendo habitual, stands das asociacións de criadores de cabalos PRG.

Para máis info na WEB ou en FACEBOOK.

NOVA REPORTAXE SOBRE A CARNE DE POLDRO GALEGO

Podedes consultar AQUÍ a reportaxe do programa Labranza da TVG na que se fala sobre o tema. Comeza exactamente no mínuto 14.05 despois de falar da planta de biogás de Lalín.

DÚAS NOVAS LIGAZÓNS DE INTERESE

Na marxe dereita, no apartado de ligazóns de interese, atoparedes dúas nova ligazón que vos levan aos facebook de Puraga e Cabalo Galego Alí atoparedes outras noticias, entrevistas, eventos... de interese sobre o PRG.

NOVA MARCA NO MERCADO: POLDRO GALEGO

Puraga quere promocionar unha nova marca con selo de calidade: POLDRO GALEGO. Poderedes consultar a noticia AQUÍ. Agora ben, na noticia din que os galegos teñen prexuízos de cara a consumir carne de cabalo pero a propia asociación tenos de cara a usar a lingua propia na denominación da marca (POTRO GALLEGO). "Non vaia ser que non se entenda". A autoestima e o valor está en valorar todo o noso, non só parte.

O 2014 SERÁ O ANO DO CABALO NO HORÓSCOPO CHINÉS

Este ano parece que será moi positivo para estes fermosos, temperamentais, valentes e aventurosos animais. Tamén o será para o PRG. Máis info AQUÍ.

PECHAMOS O ANO CUN NOVO PROXECTO PARA O PRG

Horseball Galicia e Puraga xuntan forzas para promocionar o Cabalo Galego de Deporte. Para máis info pincha AQUÍ ou na foto.

OUTRO LIBRO PARA REGALAR POLO NADAL SOBRE O CABALO GALEGO

Acabamos de atopar outro, pero este só fala do cabalo galego. Agardamos que sexa do voso interese.

Título: El poni gallego. Hematología y bioquímica sanguínea.
Autores: Santamarina Pernas, Germán; Prieto Montaña, Felipe e Benedito Castellote, José Luís
Editorial: Diputación provincial de Lugo, Lugo, 1994

ACABAMOS DE ATOPAR OUTRA REFERENCIA BIBLIOGRÁFICA NA QUE APARECE O PRG

Buscando libros sobre cabalos na rede, acabamos de atopar un moi interesante que fala sobre os cabalos salvaxes na Península Ibérica. Déixovos aquí a referencia completa e, se pinchades sobre a foto, iredes a unha librería que o vende:

Cavalos Selvagens Ibéricos

Paulo Caetano

Edição/reimpressão: 2011

Páginas: 168

Editor: Bizâncio

ISBN:9789725304969

A CRISE FOMENTA O CABALO DO PAÍS

O luns pasado, escoitamos a trantantes na feira cabalar do San Martiño que dicían que agora as persoas que mercan un cabalo apostan polos do país (PRG ou os seus cruzamentos), por cabalos de pouca alzada, pola súa resistencia, fácil e económica alimentación (só herba) e fácil coidado xa que nin sequera precisan ferraduras nin pensos.

Asemade, comentaban que mercar un cabalo de moita alzada "é comprar unha trampa xa que son cabalos delicados que, se se lesionan, son vendidos con sobremedicación para evitar coxeiras..." dicía un tal Secundino de Mouriscados (Mondariz) que leva toda a súa vida dedicado ao comercio dos equinos. Este home aseguraba que se algúns cabalos se venden hoxe en día estes son os pequenos.

PRG EN VILAMOR

O cineasta Ignacio Vilar, aposta polos cabalos do país e polos PRG na súa incrible película Vilamor, que non podedes perder. Bótadelle un ollo ao tráiler poderedes ver algúns: FASCINANTE!!!

QUE VERGOÑA DE CAMPIONATO!!!

O sábado pasado, día 20 de outubro, tivo lugar na Feira Cabalar das San Lucas en Mondoñedo a "gran final" da Copa Galicia "PRG" que organiza e gaña a propia Asociación Pura Raza Cabalo Galego e, a verdade, non houbo sorpresas. Podedes ampliar a información AQUÍ.

Ah, e se ides á súa páxina web poderedes comprobar que xa nin publican alí nin resultados nin puntiacións, por que será.

ÚLTIMO ANO E ÚLTIMOS POLDROS PARA O CONVENIO

Puraga acaba de enviarlles esta carta aos socios e socias para que lle comuniquen os poldros ou poldras (iso si, menores de 36 meses) que queiran vender. Estes poldros e poldras irán, en principio, para o CREAG (Centro de Referencia de Especies Equinas Autóctonas de Galicia) e, despois, (boa parte deles/as) para picadeiros, clubs hípicos, etc. en réxime de cesión.

Xa diciamos ao principio de ano que este era o último ano que a asociación ía comprar animais para o convenio que ten coa Xunta de Galicia.

Nesta páxina que vos achego, envíovos o comunicado tanto por se queredes vender (aínda que non sexades socios/as actualmente aínda vos podedes facer) como se queredes adquirir animais en réxime de cesión.

INTERESANTE CHARLA DE FELIPE BÁRCENA SOBRE O CABALO GARRANO GALEGO

Onte saía publicada esta noticia no Faro de Vigo sobre a conferencia que o zoólogo daba nas instalacións do Club Faro sobre o cabalo garrano galego e a ameaza administrativa que sofre por parte da Xunta de Galicia. Se tedes un minuto, lédea, a verdade é que non ten desperdicio. Xa había tempo que non se escoitaba unha voz tan franca.

DOUS NOVOS CABALOS PRG SEMENTAIS EN MILANUNCIOS

Achegámosvos unha foto de cada un e as ligazóns por se son do voso interese:

http://www.milanuncios.com/venta-de-caballos/vendo-cabalo-prg-negro-e-excelente-carta-106352059.htm

http://www.milanuncios.com/venta-de-caballos/vendo-cabalo-prg-106351791.htm

O DÍA 20, A FINAL!!!!!!!!

O vindeiro día 20 de outubro terá lugar a final da Copa Galicia PRG no marco da feira cabalar anual das San Lucas no Campo dos Paxariños en Mondoñedo.

NON SE PODE BOTAR O CARRO DIANTE DOS BOIS!

Xa o din os refráns: Non se pode botar o carro diante dos bois porque Mentras a burra non paire, non se sabe que cría sae. O pasado 18/06/2013 nacía o poldro que a Asociación Pura Raza Cabalo Galego lle ía regalar aos Álvarez Ortega. Con tan mala sorte que o poldro naceu con capa alazá, catralbo e coa cara branca. Agora non vale para marcar xa que o PRG non pode ser de ningunha capa distinta á castaña con crina e rabo negros ou á capa negra e non admite divisas (marcas ou manchas brancas). A verdade é que, despois de toda a publicidade que lle deron, foi mala sorte. Máis info AQUÍ.

Se cadra a asociación debería de facer dúas cousas: primeira, seleccionar mellor xeneticamente os cabalos e eguas proxenitores/as e; segunda, debería de revisar os premios que dá nos concursos morfolóxicos, ao mellor non están a premiar o mellor cabalo PRG.

CABALOS PRG CON ARTE

Estas son as estatuas máis famosas que teñen como máximo expoñente a fermosura do PRG.

Praza de Vigo en Tui

Cruce dos Cabalos en Lalín

Praza de España en Vigo

A PRÓXIMA PROBA DA COPA GALICIA, O 14 EN FERREIRA DO VALADOURO

A próxima proba da Copa Galicia PRG vai ter lugar o próximo sábado día 14 de setembro nas pistas de andadura de Ferreira do Valadouro. Máis info AQUÍ.

SOS GROBA-BLOG INTERESANTÍSIMO!!!

Neste blog, podedes atopar moita información sobre os curros e as rapas da Serra da Groba así como sobre o proceso de microchipado nos cabalos de monte desa zona do sur de Pontevedra.

Tamén o incluímos no apartado de ligazóns de interese deste blog.

BOQUEIXÓN ESTREOU CONCURSO, FESTA E EXHIBICIÓN E MELIDE XA VAI POLO SEGUNDO

A pasada fin de semana, realizouse en Boqueixón o primeiro concurso de cabalos e eguas PRG e unha exhibición de doma de alta escola. O espectáculo correu a cargo da Asociación Pura Raza Cabalo Galego. Ademais fíxose con tres premios da categoría de sementais. A verdade, non hai mellores cabalos ca os seus (jjja!). Máis info AQUÍ.

Ademais, a Asociación O Bocelo levou adiante o segundo concurso de cabalos e eguas PRG puntuable para a Copa Galicia. Máis info AQUÍ.

DOBRE ASEMBLEA DE PURAGA O 22 DE AGOSTO

Ás 20.00, asemblea ordinaria e, ás 21.30, asemblea extraordinaria.

ESTE DOMINGO, DÍA 4 DE AGOSTO, NOVA PROBA DA COPA

A Copa Galicia PRG chega de novo a Curtis, Teixeiro (A Coruña) nunha nova edición da festa do cabalo. Achegámoslles o programa completo.

UN CABALO E UNHA ASOCIACIÓN PARA COMELOS!!!

A empresa El Jardín de mis Delicias que se dedica á repostería creativa comercializa este tipo de galletas con forma de PRG. Non deixedes de probalas, están riquísimas!!!

O PRG EN LIBERDADE, CENTRO DUN NOVO ESTUDO

Laura Lagos, investigadora da Universidade de Santiago (USC) presentou a primeira tese sobre a ecoloxía dos ponis salvaxes de Galicia, un estudo desenvolvido ao longo de dez anos (tres deles de traballo de campo) e que vén confirmar que os cabalos salvaxes e os corzos son as principais presas da poboación de lobos que habitan nos montes de Galicia. Máis info AQUÍ.

HERMOSO DE MENDOZA APADRIÑA DOUS CABALOS PRG

O famoso rejoneador apadriñou a dous cabalos, a Cotros e a Porteño, da Asociación Pura Raza Cabalo Galego. Máis info AQUÍ.

JALISCO E PERLA, OS MELLORES DA SEMANA VERDE 2013

Onte tivo lugar o concurso morfolóxico oficial de cabalos e eguas de Pura Raza Galega que organiza a Asociación de Criadores de Cabalos de Pura Raza Galega-Puraga. O evento reuniu 7 exemplares machos e 13 femias que chegaron dende as 4 provincias galegas.

Jalisco, un fermosísimo cabalo de capa castaña, propiedade de Lino Freire e Perla, unha formidable egua de capa negra de José María Costa Blanco, gañaron cada un na súa categoría.

Aínda que gañaron dous exemplares de sobresaliente, o concurso estivo marcado tanto pola desproporción do tempo como pola forma de valoración das eguas fronte aos cabalos. Para valoralas a elas, e, para axilizar e tardar menos tempo, primeiro fixeron unha roda comparativa, ao xeito dos concursos morfolóxicos das vacas frisonas, onde quedaron fóra 6 dos 13 exemplares, e, a continuación o xuíz foi pedindo trote e inmobilidade na pista para cada un dos animais que continuaban na area. O caso é que, entre unhas cousas e outras, pasou unha hora. Mentres tanto, na sección de sementais, a duración foi de 15-20 minutos, ou sexa, unha media de 3 minutos por cabalo (recordemos que había 7). Xa que logo, parece unha valoración demasiado ás présas para que sexa rigorosa e seria.

É de destacar tamén, que, no concurso de onte, aínda que o prototipo racial oficial marca unha alzada á cruz de 1,20 a 1,40 cm, o xuíz deixou claro na súa valoración que prefería os pequenos e deixou fóra dos primeiros postos e incluso dos premios aos exemplares de maior alzada, aínda incluíndose correctamente dentro do rango de alzada do morfotipo.

Ao parecer, xa non é a primeira vez que estes concursos adoecen de falta de criterio de valoración de moitos dos xuíces/xuízas que tiveron, moi pouco ou ningún contacto con estes cabalos dende que fixeron o curso para poder exercer o seu papel de máximas autoridades. Así, por un lado, as dúbidas, e, por outro, os comentarios que lles fai o presidente da dita asociación dende un lateral da pista ou dende a propia mesa presindencial cando se achegaba o xuíz (non sabemos se acertados ou non pero si que daban mala imaxe e sospeita), mostran pouca crenza no resultado e pouca fiabilidade nos resultados. Se cadra, é por falta de reciclaxe e dun criterio unificador, rigoroso, acorde co descritor do prototipo racial oficial que publicou a Xunta de Galicia no seu día, etc.

Outras veces que amosaron esta falta de criterio, foi, por exemplo, no campionato que levaron a cabo no ano 2011 no que gañou unha egua de capa negra con despigmentacións de capa obvias; ou, incumprindo partes do seu propio regulamento de concursos (nun dos concursos participou o cabalo do propio presidente presentado por unha persoa sen a vestimenta oficial e, aínda que o semental tiña despigmentacións de capa na cara, quedou segundo); noutros dicían que a decisión do xuíz era inapelable cando no regulamento dicía totalmente o contrario, etc.

Agora ben, cómpre destacar tamén a amabilidade e o trato do director técnico da asociación cos criadores, ás veces un pouco despistado, pero sempre con boa intención e cun sorriso para os participantes.

A COPA GALICIA, CHAMADA INAPROPIADAMENTE DO PRG

Se entrades AQUÍ, podedes comprobar os resultados da Copa Galicia. Nos sementais, gañou sempre Porteño, o cabalo da asociación que organiza o dito campionato. Rumorea a xente do mundo do PRG que é, por un lado, para que a asociación (inapropiadamente chamada tamén Asociación Pura Raza Cabalo Galego) quede ela mesma co diñeiro para sobrevivir como tal (ao parecer, non lle chega co que cobra das subvencións: Xunta, Europa...), fixo isto dende que comezou a Copa (comprobade o palmarés de anos anteriores AQUÍ). E, por outro, para darlle publicidade ao cabalo que é pai do poldro que vai nacer e que lle vai regalar ao afamado Amancio Ortega (será que el non o pode pagar). Ou sexa, que o cabalo non gaña porque o valla.

Na sección de eguas, máis do mesmo. Vai gañando a egua do criador que máis gando leva a este certame, non a egua que máis vale (así volven dicir os/as afeccionados/as ao mundo do PRG). Asemade, tamén podedes comprobar que vai de terceira Furia de Oza, unha egua sen pasaporte de PRG; trátase dunha "egua cruzada que non pasou a valoración da comisión cualificada e apoderada para iso" (palabras dos propios xuíces).

Xa que logo, tanto nunha sección coma na outra, pódese comprobar a trampa que hai nun campionato subvencionado con fondos públicos. É unha vergoña que queden cos cartos das subvencións e dos premios!!!! U-lo o fomento e divulgación da raza?

Queremos avisar aquí desta circunstancia e animamos, dende o blog, a todos os criadores e futuros criadores a que se unan ao Campionato Oficial que organiza Puraga. Tampouco está exento de erros, pero polo menos é transparente nas putuacións e valoracións e a asociación mira máis polo criador e polos cabalos, que é realmente o obxectivo destas organizacións. Proba do bo facer é o número de participantes que hai nos seus concursos: 15 (fronte aos 3 ou 4 que participan na copa).

NOVO VÍDEO NO YOUTUBE SOBRE O PRG

Aínda que non sabemos quen fixo nin quen subiu o vídeo, a verdade é que é de agradecer este fabuloso vídeo sobre os PRG no concurso morfolóxico que tivo lugar en Celeiros (Ponteareas).

AS RAPAS, BO SITIO PARA ATOPAR PRG

Nas últimas citas anuais das rapas das bestas, houbo moi pouca oportunidade para facer mercado debido á colocación obrigatoria do microchip que esixía a Xunta. Este ano, a Administración rectifica, será máis tolerable e o mercado volverá funcionar na zona de Pontevedra. 

No que vai de ano, xa se celebraron o curro da Valga (o 12 de maio) e o da Torroña (o pasado 2 de xuño) e vanse realizar tamén neste mesmo mes os de Mougás (domingo día 9), Morgadáns (domingo día 16) e San Cibrán (domingo día 23).

Isto é así, despois de todas as manifestacións e protestas que os criadores levaron adiante. Parabéns!!!

http://www.farodevigo.es/comarcas/2013/06/01/xunta-tolera-rapas-microchip-reanudaran/820732.html

XA TEMOS DATA EXACTA E HORA PARA A CITA CO CAMPIONATO OFICIAL

O sábado 15 de xuño ás 15.30 na Feira-Exposición de Silleda.

13-16 DE XUÑO: SEMANA VERDE DE GALICIA: CONCURSO MORFOLÓXICO, CONCURSO DE ALOITADORES...

Os próximos 13-16 de xuño, será a Semana Verde de Galicia que chega á súa 36 edición. Haberá: concurso morfolóxico, puntuable para o campionato oficial de cabalos e eguas PRG que organiza Puraga, a asociación que xestiona o libro xeneolóxico; concurso de aloitadores, con participantes de direrentes puntos de Galicia; concurso de salto con cabalos PRG, expositores... Entra AQUÍ para consultar todo.

CONCURSO MORFOLÓXICO DE CABALOS E EGUAS PRG EN TEO O VINDEIRO DOMINGO DÍA 19

Só haberá tres únicos premios e concursarán cabalos e eguas xuntos. Trátase dun concurso para afeccionados xa que non ten rango de oficial.

A PRÓXIMA CITA COA COPA, NA ASCENSIÓN

O vindeiro xoves, día 9 de maio, terá lugar a cuarta cita coa Copa Galicia de Cabalos e Eguas PRG no marco da feira anual santiaguesa da Ascensión. Na categoría de eguas, a situación está un pouco menos clara, pero na de sementais, Porteño, un cabalo que pertence á propia asociación organizadora, leva gañadas 3 de 3.

Tanto esta situación, que o cabalo da propia asociación gañe tantos concursos, como comprobar que nas outras edicións da Copa Galicia gañaron os propios cabalos da asociación, provocan un descontento social e desmotivación entre os socios-criadores. Asemade, failles pensar en posibles amaños nas puntuacións e clasificacións e en falsos xuíces que, aínda que posúen o título de xuíces oficiais, axudan nesta trama. Adoito, son xuíces destes concursos persoas que traballan ou traballaron para esta mesma asociación, que recibiron, ou reciben, algún tipo de remuneración por parte do nomeadamente secretario, etc.

Dende aquí gustaríanos, por unha banda, facer pública esta posible "inxustiza", e, por outra, facer reflexionar á asociación, na medida do posible, sobre as consecuencias prexudiciais que poden ter este tipo de prácticas sobre unha raza que atravesa unha difícil situación de perigo de extinción.

A FEIRA CABALAR NOIESA INCLÚE UNHA PROBA DA COPA GALICIA

A seguinte cita da Copa terá lugar na feira de San Marcos en Noia e incluirá un novo premio que consiste nunha medalla de ouro para asentar esta proba no calendario e na feira. De todos os xeitos, esperemos que non sexa para que a gañe e a leve a propia asociación. Máis info AQUÍ.

ESPECTÁCULO ECUESTRE NA HOMENAXE AO CORPO DE CABALERÍA DRAGÓNS DE SANTIAGO

Mañá, luns día 8 de abril, arredor das 12.00, haberá un espectáculo ecuestre fantástico da man da sección de doma de alta escola da Asociación Pura Raza Cabalo Galego no marco da Feira Cabalar de San Telmo en Tui. Máis información AQUÍ.

ROUBAN, INDISCRIMINADAMENTE, CABALOS PRG NOS MONTES DO SUÍDO

O tráfico e roubo de gando do monte semella aumentar coa crise. Tanto é así que está afectando gravemente aos criadores e criadoras. Máis info AQUÍ.

O DOMINGO DÍA 7 DE ABRIL TERÁ LUGAR UN CONCURSO MORFOLÓXICO NA ESTRADA

O próximo domingo, desvinculado de calquera asociación en defensa do PRG, levarase a cabo, na tradicional Feira Cabalar de Pascua da Estrada, un concurso de cabalos e eguas de raza galega. Aínda que os premios son bastante baixos economicamente (se os comparamos coas outras razas), son moi importantes este tipo de iniciativas para os nosos cabalos e para os seus criadores/as. Se queres ampliar a información sobre o evento, podes pinchar sobre a foto.

A COPA GALICIA, POR CAMIÑO EQUIVOCADO

Hoxe tivo lugar o primeiro concurso do ano 2013 puntuable para a Copa Galicia. E, ao parecer, unha vergoña. No certame, proclamáronse campións Regavella e Porteño, os dous, propiedade da asociación organizadora, a saber, Asociación Pura Raza Cabalo Galego, da que é director técnico, presidente, etc. etc. o afamado actor-presentador Xacobe Pérez Paz. Asemade, concursou unha egua, de nome Furia de Oza, que non posúe pasaporte de pureza racial (algo que prohibe totalmente o regulamento e é totalmente ); é unha egua cruzada. Non é estraño, polo tanto, que só asistisen 3 criadores. Podedes consultar os resultados AQUÍ.

A Copa Galicia, dende o punto de vista da inmensa maioría dos criadores, segue polo camiño equivocado. Cada ano perde criadores, cada ano perde adeptos, cando o seu obxectivo debería ser totalmente o contrario.

Pola contra, Puraga, a outra asociación encargada de fomentar a cria de cabalos PRG, aínda que tamén ten algún falliño, chega a concentrar uns 15 criadores en cada unha das probas do campionato oficial. Os seus concursos están libres de toda polémica, os cabalos preséntanse coa debida documentación e os xuíces deciden os gañadores (non está todo amañado previamente, coma no outro caso).

ACABA DE CHEGARNOS O CALENDARIO COMPLETO DOS CERTAMES QUE LEVARÁ ADIANTE A ASOCIACIÓN PURA RAZA CABALO GALEGO

Como non se le moi ben na foto, imos poñer, a continuación, todos os certames:

Día 31 de marzo
Feira Cabalar de Pascua de Padrón
Concursos morfolóxicos PRG e exhibicións de doma
Lugar: Praza de touros portátil no Campo da Barca, Padrón, A Coruña

Día 8 de abril
Feira Cabalar de San Telmo
Exhibicións de doma
Lugar: Recinto da feira cabalar, Tui, Pontevedra

Día 25 de abril
Feira Cabalar de San Marcos
Concursos morfolóxicos PRG e exhibicións de doma
Lugar: Recinto da feira cabalar, Noia, A Coruña

Día 5 de maio
Festa Cabalar da Insua
Concursos morfolóxicos PRG e exhibicións de doma
Lugar: Hípica Amazonas, A Insua, Pontecaldelas, Pontevedra

Día 9 de maio
Feira Cabalar da Ascensión
Concursos morfolóxicos PRG e exhibicións de doma
Lugar: Recinto feiral de Amio, Santiago de Compostela, A Coruña

Día 18 de maio
Festa de Santa Rita
Exhibicións de doma
Lugar: Explanada TIR-Porto, Vilagarcía de Arousa, Pontevedra

Días 14, 15 e 16 de xuño
Semana Verde de Galicia
Exposición de exemplares PRG e exhibicións de doma e enganche
Lugar: Recinto feiral da Semana Verde de Silleda, Pontevedra

Día 4 de agosto
Festa Cabalar de Teixeiro
Concursos morfolóxicos PRG e exhibicións de doma
Lugar: Campo da festa cabalar en Teixeiro, Curtis, A Coruña

Día 11 de agosto
Festa Cabalar do Bocelo
Concursos morfolóxicos PRG
Lugar: O Bocelo, Melide, A Coruña

Día 14 de setembro
Equiouro
Concursos morfolóxicos PRG e exhibicións de doma
Lugar: Pista de competicións de andadura de Ferreira do Valadouro, Ferreira do Valadouro, Lugo

Día 20 de outubro
Feira Cabalar de Mondoñedo
Concursos morfolóxicos PRG-Final da Copa Galicia PRG
Lugar: Campo dos Paxariños, Mondoñedo, Lugo

*Os premios para os concursos serán os establecidos polos comités organizadores de cada proba, pero sempre haberá un mínimo de tres premios por categoría (eguas e sementais)
*Os comités organizadores poderán aumentar os premios a un cuarto e quinto posto.

O PRG É ALGO MÁIS CA UN CABALO, É UN XEITO DE VIDA

No capítulo do día 06/03/2013 do programa televisivo da TVG Cos pés na terra, coñecemos a Toni, un mozo que traballa como coidador e domador de cabalos PRG no Centro de Razas Equinas Autóctonas de Galicia. A verdade é que é todo un espectáculo todo o que fan con estes animais. Podedes velo se pinchades AQUÍ. O capítulo titúlase: Toni, adestrador de cabalos, e Elena, zoqueira

ESTE ANO NACERÁ O/A PRIMEIRO/A PRG QUE VESTIRÁ DE ZARA

A Asociación Pura Raza Cabalo Galego regalaralle un/unha poldro/a, que nacerá esta primavera en Boqueixón no Centro de Razas Equinas Autóctonas de Galicia, ao neto do afamado empresario Amancio Ortega. O/A poldro/a será fillo da egua Regavella e do cabalo Porteño, ambos os dous cun excelente pedigree.

Máis info AQUÍ ou AQUÍ.

A COPA GALICIA SEGUE O SEU CURSO

A pesar do malestar entre a Asociación Pura Raza Cabalo Galego e os criadores (porque en edicións anteriores concursaron eguas sen pasaporte que non eran puras, a asociación premiou sempre os seus propios cabalos, foi sospeitosa en numerosas ocasións de manipular as puntuacións e as valoracións dos xuíces, incumprindo, así, o Regulamento do concursos oficiais, etc.) que difamou bastante este campionato (sen contar os cabalos da asociación, só se presentaron nos concursos do  2012 un, dous ou un máximo de tres criadores), a Copa Galicia segue en pé durante o ano 2013. O primeiro concurso será na Semana Santa en Padrón, en concreto, o día 31 na Feira Cabalar de Pascua. E, o segundo, na tradicional Feira de San Marcos de Noia o día 25 de abril.

Máis info AQUÍ.